Fyrirtækin sem standa að Innivist ehf., Almenna verkfræðistofan h.f. og Rafstjórn ehf. hafa bæði um langt árabil unnið að því að bæta vistfræðilegt ástand í byggingum.

Almenna verkfræðistofan h.f. er ein af elstu verkfræðistofum landsins og hefur stundað verkfræðilega ráðgjöf og hönnun á mörgum af stærstu og flóknustu byggingum landsins. Hönnun á hitakerfum og loftræsikerfum í byggingar er meðal annars viðamikill þáttur í starfsemi fyrirtækisins.

Rafstjórn ehf. er mjög sérhæft fyrirtæki með mikla þekkingu og langa reynslu í uppsetningu og eftirliti með stjórnbúnaði loftræsti- og hitakerfa. Fyrirtækið hefur eingöngu á að skipa fagmönnum sem unnið hafa að mörgum viðamiklum verkefnum eins og Ráðhúsi Reykjavíkur og Flugstjórnarmiðstöðinni á Reykjavíkurflugvelli.

Starfsemi fyrirtækjanna er nokkuð ólík í eðli sínu þar sem annað er ráðgjafafyrirtæki en hitt iðnfyrirtæki. Sameiginlegur starfsvettvangur hefur hins vegar skapað grundvöll fyrir stofnun fyrirtækis sem ætlað er það hlutverk að kanna vistfræðilegt ástand í byggingum og veita ráðgjöf sem leiðir til betri innivistar.

Innivist ehf. · Fellsmúla 26 · 108 Reykjavík
Sími 580 8100 · Fax 580 8101 · Netfang innivist@simnet.is